Songs

01 I was made03:03

[Verse 1]
Da ahne zagts mid Herzal
da aundre singt a Liad fia di
Semino los ihr a boa Kerzal
des is ned ehrlich des is nix fia mi

A romantischa Urlaub
midn Schiffal aufs Mittelmeer
Ich liebe dich du bist die beste
Steht in rot auf ana Bonboniere

[Pre Chorus]
Oba i bin ned wia de Aundan
Jo i sog da wias is

[Chorus]
A was made for loving you baby
weil ich eine Hochzeit erwäge
love me tender love me true
weil wir singan schubidubidu

you were made for loving me Oide
weil ich deine Pratzal gern hoide
love me tender love me sweet
weil es außa dich keine gibt

[Verse 2]
Da ahne schickt an Smiley
mid Kussmund und an Zwinkagsicht
Da aundre mocht a Selfie am Heisl
wo draufsteht mein Baby ich liebe dich

Da ahne ja der kauft da an Stern
oda a Stickl vom Mond
da aundre dea spüd in stoarckn Herrn
doch vaschweigt dass a mit viazg no bei da Mama wohnt

[Pre Chorus]
Oba i bin ned wia de Aundan
Jo i sog da wias is

[Chorus]
I wos made for loving you baby
weil ich eine Hochzeit erwäge
love me tender love me true
weil wir singan schubidubidu

you were made for loving me Oide
weil ich deine Pratzal gern hoide
love me tender love me sweet
weil es außa dich keine gibt

[Verse 3]
da ahne jo der baut da a Haus
hod Schuiden wia a Staatsoffiziar
jetzt is a leida am Oasch daham
du bist vaheirat mid an Klopapia

a Seitnsprung mim Executa
da Kuckuck auf da untawesch
Da Märchenprinz woa a Atrappn
A Alkoholika im Untahemd

[Pre Chorus]
Jo i woa ned wia de aundan
Jo i hob gsogt wias is

[Chorus]
I wos made for loving you baby
weil ich eine Hochzeit erwäge
love me tender love me true
weil wir singan schubidubidu

you were made for loving me Oide
weil ich deine Pratzal gern hoide
love me tender love me sweet
weil es außa dich keine gibt

Lyrics
02 Cabrio03:35

[Verse 1]
I wa so gern a Gstopfta
Ein Selfmade-Millionär
Ein großer Mann der Wirtschaft
Ungefähr wie da Niki Lauda
Jo des wa sche, na des wara Wauhnsinn

I wa so gern a Gstopfta
Ein Wirtschaftskapitän
Daun war i sehr beliebt
Und bei den Damen tät immer wos gehn
Jo des wa sche, na des wara Wauhnsinn

[Chorus 1]
Jo daun fohrat i min Cabrio
Und hätt am Schädl a schene Foab
Und de Leid tatn mi sehng und song
„Na der is oag, der hot’s gschofft!“

Jo daun fohrat i min Cabrio
Und hätt am Schädl a schene Foab
Und de Leid tatn mi sehng und song
„Na der is oag, der hot’s gschofft!“

[Verse 2]
I wa so gern a Gstopfta
Ein adeliger Gschropp
Der sein Luxuskörper täglich
In frischpressta Muttamüch bondt
Jo des wa scheh, na des wara Wauhnsinn

I wa so gern a Gstopfta
Ein echter VIP, bei dem ma was dass a wos is
Nur wos a is jo des was ma hoit nie
Jo des wa sche, jo des wara Wauhnsinn

[Chorus 1]
Jo daun fohrat i min Cabrio
Und hätt am Schädl a schene Foab
Und de Leid tatn mi sehng und song
„Na der is oag, der hot’s gschofft!“

Jo daun fohrat i min Cabrio
Und hätt am Schädl a schene Foab
Und de Leid tatn mi sehng und song
„Na der is oag, der hot’s gschofft!“

[Bridge]
I wa so gern a Gstopfta
Mit an gscheidn Kapital
Mit Bluatgöd in an Koffa
Und an finanziellen Skandal
Jo des wa sche, na des wara Wauhnsinn

Nur leida bin i hoit ka Gstopfta
Und i wea a kana wean
Weu immer waun i moi a Göd hob
Gib i ollas sufuat wieder her
Jo des is bled, na eigentlich a Wauhnsinn

[Chorus 2]
Jo drum fohr i nie mit’n Cabrio
Und hob am Schädl a ka schene Foab
Und olle Leid de mi sehng bleim steh und song
„Na oag, der is gstroft!“

Jo drum fohr i nie mit’n Cabrio
Weu vamutlich wos aundas zöht
Owa wasd eh ohne Schmäh in dem Lebn
Is nur sche mit an Göd

Lyrics
03 Foin03:55

[Verse 1]
Schau do vuan do foid a Bladl
do foid a Bladl von an Bam
fliagt mit an Haufn vulla aundra
und irgendwie trotzdem ala
ois dads die aundan goa ned merken
woahscheind ned wissn dass grod fliagt
mia scheint des Bladl is uns recht ähnlich
mia scheint des Bladl is so wie mia

[Chorus]
Und wia foin, foin, foin
und nem uns ziagt is Lem vuabei
Und wia foin, foin, foin
nur lerna dama nix dabei
Und wia foin, foin, foin
und hom dabei die Augen zua
Und wia foin, foin, foin
und irgendwaun daun is a Ruah

[Verse 2]
Schau da vuan da spün zwa Kinder
des ane stürzt und muas hoid blern
Ja wos wuist duan des san hoid Kinder
de ham no Zeit, dass g’scheida wern
Schau wia des Kind aufoamoi aufsteht
und wias auf amoi nix mehr gspiert
Mir scheint des Kind is uns recht ähnlich
mir scheint des Kind is so wia mia

[Chorus]
Und wia foin, foin, foin
und nem uns ziagt is Lem vuabei
Und wia foin, foin, foin
nur lerna dama nix dabei
Und wia foin, foin, foin
und hom dabei die Augen zua
Und wia foin, foin, foin
und irgendwaun daun is a Ruah

[Verse 3]
Schau da vurn da hockt a Sandler
mit ana Hülsn in da Haund
Na ma kaunnt song „a so a Drangla“
ja ma kaunnt song „a so a Schaund“
Doch kana was warum der drangelt,
vielleicht is erm amoi was passiert.
Mir scheint der Typ is uns recht ähnlich
mir scheint der Typ is so wia mia

[Bridge]
Wei er foit und es ned siecht
und es hoid so a heit immer is

[Pre-Chorus]
Ja wia foin, foin, foin
und nem uns ziagt is Lem vuabei
ja wia foin, foin, foin
für’s Aufsteh bleibt ja eh koa Zeit

[Chorus]
Und wia foin, foin, foin
und nem uns ziagt is Lem vuabei
Und wia foin, foin, foin
nur lerna dama nix dabei
Und wia foin, foin, foin
und hom dabei die Augen zua
Und wia foin, foin, foin
und irgendwaun daun is a Ruah

Vielleicht kummts a nur mia so vua

Lyrics
04 Madl moch die Augen auf03:07

[Verse 1]
Geh Madl moch die Augn auf
Und hau di in dei Gwaund
Ob heit wird ollas aundas
Woan eh vü zlaung am Saund
Geh Madl moch die Augn auf
I moch da an Kaffee
Geh schau wie sche die Sunn scheint
Geh kumm is des ned sche

[Chorus]
Ob heite wird ois aundast
Wir sehgn jetzt ollas kloa
Weu wichtig is wos is, wos no wird
Und ned wos woa
Jo heite fong ma au
Mit’m Rest vo unserm Lem
Ob heite werma uns
Die vulle Lodung gem

[Verse 2]
Geh Madl moch die Augn auf
Wir foahn heit afoch fuat
Und wauns daun a no sche is
Daun bleib ma hoid glei duat
Geh Madl moch die Augn auf
Die Vägl dans jo a
Mir scheints heit goar a so
Ois wauns nie aundast g’wesn wa

[Chorus]
Ob heite wird ois aundast
Jo waun mas wirklich woin
Daun bleibt nur des wos sche is
Ois aundre bleibt uns gstoin
Wir haun si auf a Packl
Ob heit, für olle Tog
Wir pockn uns die Sunn ei
Und die Suagn loss ma do

[Verse 3]
Geh Madl moch die Augn auf
Sunst host nix vo da Wöd
Und waunst genau daun hischaust
Daun siegst wos wirklich zöht
Geh Madl moch die Augn auf
Und mochs nie wieda zua
Waun Probleme ka Problem san
Daun lossn’s di in Ruah

[Outro]
Jo daunn lossn’s di in Ruah
Jo daunn lossn’s di in Ruah

Lyrics
05 I kenn di vo wo04:32

[Strophe 1]
Schau di au, wiest do liegst in deim Ölend
Dei Schädl der bumpert dir warad noch sterm
Jede nu so große Wundn wird a norbn
Oba deine wirds ned wean

Dei Körpa is ans mid an Gift wuan
Von dem du wast es gherd do ned her
S’guade lem hod längst on lond ongsetzt
Oba du sitzst auf an Boot wos si immer mehr entfernt

[Pre-Chrous]
Und ob und zua sichst du a Foto von dir
A Foto vo friacha und sogst zum Papier

[Refrain]
I glaub i kenn di vo wo, doch vo wo na des foid ma ned ei
I glaub i kenn di vo wo, doch vo wo na des geht ma ned ei
I glaub i kenn di vo wo, doch vo wo na des foid ma ned ei
I glaub i kenn di vo wo, doch vo wo na des geht ma ned ei

[Strophe 2]
Bist a Matrose ohne Boot
A Segl ohne Wind
A Cowboy ohne Pferd

Jo du mochst Hunderttausnd Föhla
An jedn mochst da söwa
Aus kan anzign host glernt

Host dei gonzes Lebn von Freiheit glebt
Oba di söba weckagsperrt
Erwoatst vo ondare dass für di do san
Ndon foits da auf do rennt wos vakhert

[Pre-Chorus]
Doch ob und zua sichst du im Spiegl
Vu dir an Wüdfremdn Menschn mit grunzlta Stirn

[Refrain]
I glaub i kenn di vo wo, doch vo wo na des foid ma ned ei
I glaub i kenn di vo wo, doch vo wo na des geht ma ned ei
I glaub i kenn di vo wo, doch vo wo na des foid ma ned ei
I glaub i kenn di vo wo, doch vo wo na des geht ma ned ei

[Strophe 3]
Heast des konns doch ned sei, i glaub i kenn di vo wo

Lebst nu im Gestan doch gestan woast hi
Du gehst nur noch Gestan fuan woatns auf di
Lebst nur für Gestan doch Gestan wast gstoam
Sichst an Weg und don gehst erm
Oba gehst nie noch fuan

[Refrain/Outro]
I glaub i kenn di vo wo, doch vo wo na des foid ma ned ei
I glaub i kenn di vo wo, doch vo wo na des geht ma ned ei
I glaub i kenn di vo wo, doch vo wo na des foid ma ned ei
I glaub i kenn di vo wo, doch vo wo na des geht ma ned ei

Lyrics
06 Leich in da Donau03:20

[Verse 1]
In ana koidn Nocht
In ana no vü ködan Stodt
Do schwimmt a Madl im Fluss
I waß ned wos des Menschal hod
Weu sie treibt do nur in ana Tour
Und mir kummt vua sie ruaft nix zruck
Waun I ihr schrei
Die klane riaht si ned und g’spiat si ned
Sie wird doch ned, geh ruaf doch wer die Polizei

[Chorus]
Des is jo a Wauhnsinn
Normal is des ned
Geh schau amoi her
Wos in der Zeitung do steht
Des is wira Krimi
Na boid is ois z’spät

[Verse 2]
Des derf ned woah sei
Fia de Klane do is z’spät
Normal gehst unter
A echte Wienerin hoid ned
Ihre Lippen de san blau
Und kane Schuachal hots mehr au
Und ihre Augn san laar
Die schwimmt afoch wira Stock
Mit an rotn Minirock
Do untn, gaunz alla

[Chorus]
Des is jo a Wauhnsinn
Normal is des ned
Geh schau amoi her
Wos in der Zeitung do steht
Des is wira Krimi
Na boid is ois z’spät

[Verse 3]
Sie is jo söwa schuid
Wos gehtsn a so spät no leischn
Weu nur da Tod is sicher
Owa in an Menschn kaust di teischn
Jo waun da Mond scheint in da Nocht
Schöpft do kana an Verdocht weus olle schlofn
Jetzt foahr i ham zu meiner Frau
druck ihr a Bussal auf die Stirn
und putz mei Woffn

[Chorus]
Des is jo a Wauhnsinn
Normal is des ned
Geh schau amoi her
Wos in der Zeitung do steht
Des is wira Krimi
Na boid is ois z’spät

Des is jo a Wauhnsinn
Normal is des ned
Geh schau amoi her
Wos in der Zeitung do steht
Des is wira Krimi
Na boid is ois z’spät

Lyrics
07 Weck mi auf03:15

[Verse 1]
Die Leit san so mechanisch
Owa eh nur hoib so tragisch
Foaht ana geng die Waund
Jo daun sogt eam des is Navi
Tät i, hätt i, wari
A menschliche Safari
Da Stoake frisst in Schwochn
Gaunz normal do gibt’s ka Panik
Drum weidatuan ois wa nix
Weu tuast wos bist allanig
A jeder guade Füm
braucht a bissl Hauch vo Tragik
Weus eigentlich sunst fad is
A jeder suacht an Schmarties
Des Lem besteht aus
Hackln, liagn, betriagn und a poa Partys
Und du tuast so ois wa nix

[Verse 2]
Schau i auf links
Siech i Leit mit nix zum fressn
Schau i auf rechts
Siech i Leit die si dasteßn
Schau noch unt
Waß i sofuat wo i hi g’her
Und wos vo obm kummt
Passiert hoffentlich niemehr
Schau i auf links
Siech i Schützn auf an Dachl
Schau i auf rechts
Siech i weiße Fahnen wachln
Sie schaun noch unt
Kummen drauf do is a Miene
Es geht bumm
Und is G’schäftl rennt auf Schiene

[Chorus]
Weckt’s mi auf
Waun des Ölend nimmer is
Weckt’s mi auf
Wauns kane Nochrichtn gibt
Weckt’s mi auf
Waun i wos guades vasam
Weckt’s mi auf
Waun i des Lem daun dazah

[Verse 3]
Schau des Kind do mit da Krochn
Hot valernt zum Lochn
Sei Voda hot wos foisches glaubt
Desweng homs eam daschossn
Geh sog ma wie wüst schlofn
Beim Wirbe vo de Bombn
Da letzte Rest vo Mensch
Hot si vasteckt in Katakombn
Und wir huckn do
Mit eckige Augn
Zinsen im Schädl
Und an vü z’sbladn Bauch
Des geht uns nix au
Wos im Fernseher rennt
Is a Nochricht vom Füm
Und ka richtiger Mensch

[Chorus]
Weckt’s mi auf
Waun des Ölend nimmer is
Weckt’s mi auf
Wauns kane Nochrichtn gibt
Weckt’s mi auf
Waun i wos guades vasam
Weckt’s mi auf
Waun i des Lem daun dazah

Weckt’s mi auf
Waun des Ölend nimmer is
Weckt’s mi auf
Wauns kane Nochrichtn gibt
Weckt’s mi auf
Waun i wos guades vasam
Weckt’s mi auf
Waun i des Lem daun dazah

Lyrics
08 Mon amour04:51

[Verse 1]
Wie i di ’s erste Moi g’sehng hob
Woast ma eigentlich recht wuascht, so wuascht
Und auf de Leit de so guad vo dir g’redt hom
Hob i a nie wirklich g’huacht, ned g’huacht

Owa Gelegenheit mocht Diebe
Und so is hoit passiert, es is passiert
Da Beginn vo unsra Liebe
Achiviert in an Briaf, in an Briaf

[Chorus]
Oh, mon amour
i hea mit dir auf
I moi a Büd nur vo uns
owa jeda is drauf

I wü nimmer mehr und wü immer mehr
Geh bitte wü doch du a
Du wüst immer mehr, i wü nimmer mehr
Geh bitte wü doch alla

[Verse 2]
Hob ned g’wusst wo des ois hifiaht
Owa wuin dass ois so bleibt, so bleibt
Wuit immer mehr vo dir, mehr vo dir, mehr vo dir
Zu jeda Stund, zu jeda Zeit, jeda Zeit

Jo mit dir bin i g’flong
Hob mi und aundre belong
Jo i hob g’long!

Bist du gaunga woa i unt
Und bist du kumma woa i ohm
So weit ohm

[Chorus]
Oh, mon amour
i her mit dir auf
I moi a Büd nur vo uns
owa jeda is drauf

I wü nimmer mehr und wü immer mehr
Geh bitte wü doch du a
Du wüst immer mehr, i wü nimmer mehr
Geh bitte wü doch alla

I wü nimmer mehr und wü immer mehr
Geh bitte wü doch du a
Du wüst immer mehr, i wü nimmer mehr
Geh bitte wü doch alla

Lyrics
09 Mama sperr die Kinda weg04:12

[Verse 1]
Die gaunze Wochn woar so sche
Direkt friedlich und vertraut
Jo privat hoit ma des greglt
Weil aundas hoitst des eh ned aus

Doch noch so mauncher hoartn Wochn
Foigt daun so manches Rasternorm
Do wird da Ritta schnöll zum Drochn
Und jeda Kenig wird zum Norrn

[Pre-Chords]
Pass mal auf, pass mal auf, dass nix passiert
Watch out, watch out, [?]

[Chorus]
Mama, sperr die Kinda weg
Es is wieda soweit
Die Unscheinborn, die san hoit wer
Wo san die feinen Leit?
Mama, sperr die Kinda weg un es Haustürl sperrst ma zua
Da Mensch an sich is widerlich und monchmoi nebn da Spur
Dance!

[Verse 2]
Die Luft is schwa und transpiriert
Die feine Leit san plötzlich grod
Jo, is die Sünde moi serviert,
wird ma leicht zum Misanthrop

[Pre-Chorus]
Pass mal auf, pass mal auf, die Wöd is schlecht
Watch out, watch out and don’t forget

[Chorus]
Mama, sperr die Kinda weg
Es is wieda soweit
Die Unscheinborn, die san hoit wer
Wo san die feinen Leit?
Mama, sperr die Kinda weg un es Haustürl sperrst ma zua
Da Mensch an sich is widerlich und monchmoi nebn da Spur
Dance!

[Bridge]
Die Lautn san auf amoi stü wordn
Die Ruhign san gor nimma do
Manch eim is jetzt scho vüles zvü wordn
Manch ana sitzt scho wieda do

Da Montag is da Freudehenker
Die Leute schreitets daun dahin
Doch durch die Aussicht auf an Rückfoi
Ergibt des olles erst an Sinn

[Chorus]
Und deswegn:
Mama, sperr die Kinda weg
Es is wieda soweit
Die Unscheinborn, die san hoit wer
Wo san die feinen Leit?
Mama, sperr die Kinda weg un es Haustürl sperrst ma zua
Da Mensch an sich is widerlich und monchmoi nebn da Spur
Dance!

Lyrics
10 A letztes Schluckerl05:03

[Verse 1]
A letzter Schluck schwimmt no im Glasl
Drei laare Floschn stehn am Tisch
Da Duft ziagt si no durch die Wohnung
I frog mi grod, wos hom wir foisch g’mocht
dass’s jetz so is
Dei Socknladl is verschwundn
In an Karton liagn unsre Sochn, und Büda drin
Aunscheinend hots da nimmer g’foin do
Es duat so weh waun i so nochdenk
Wos mit uns is, wos mit uns is

[Chorus 1]
Waßt du wos du mit mir g’mocht host
Seitdem du nimmer bei mir bist
Jeden Dog wo du ned do woast
Is a Dog mehr wo du vergisst
Wer wir woan

[Verse 2]
Beim letztn moi wie wir no g’redt hom
Hom wir uns g’sogt, dass Liebe is
Des wos uns beide richtig zaumhoit
I pock des überhaupt no ned
Dass jetz so is
Obwohl du laung scho nimmer do bist
Siech i di in jeder Eckn steh
Bitte lösch afoch mei nummer
Lösch a mi, hoi deine Sochn
Und bitte geh, bitte geh!

[Chorus 1]
Waßt du wos du mit mir g’mocht host
Seitdem du nimmer bei mir bist
Jeden Dog wo du ned do woast
Is a Dog mehr wo du vergisst
Wer wir woan

[Bridge]
Noch Wochn glaub i dass i’s pockt hob
Und dass ma jetz auf leiwand duan
Doch plötzlich kummt a klane Nochricht
Und die gaunze G’schicht geht wieder los vo vuan

[Chorus 2]
Waßt du no wie oft wir g’locht hom
Söbst wie ma g’want hom woas a sche
Ma sogt die Zeit heut olle Wunden
Doch ohne di kau i ned sei
Kau i ned sei

Lyrics
11 All Inklusive04:18

[Verse 1]
Endlich wieder Urlaub
Meine Batterien san laa
Desweng fliag i heite fuat
Sommer, Sonne, Strände
und a schene Cocktailbar
Jo de kriag i ollas duat

Ollas inklusive
und kana sogt duat na
Desweng fliag i heite fuat
A schene neiche Liege
und a Straund fia mi alla
Jo des kriag i ollas duat

[Pre-Chorus]
Jo waunn i duat bin daunn sing i so laut

[Chorus]
Do samma, do bleib ma
do gemma, do taunz ma
do lem ma auf!
Do schwimm‘ ma
do lieg ma im Zimmer
do sing ma
do homma a bissl an Rausch
All Inklusive!

[Verse 2]
Ausse ausn Fliega
Servas, Griass eich, I bin do
Jo endlich bin i duat
I hob eipockt fia Joah
und meine Händ fliang ma glei o
Weu i fliag so sötn fuat

Vier Stund mitn Bus
über a Strossn dies ned gibt
Jo boid bin i endlich duat
Mir is zum rean owa i kau ned
I hob ois scho aussegschwitzt
Mei Geduid is laungsam fuat

[Pre-Chorus]
Jo waunn i duat bin daunn sing i so laut

[Chorus]
Do samma, do bleib ma
do gemma, do taunz ma
do lem ma auf!
Do schwimm‘ ma
do lieg ma im Zimmer
do sing ma
do homma a bissl an Rausch
All Inklusive!

[Verse 3]
Jetzt steh i vuam Hotö
owa’s Hotö steht nimma do
Des Hotö is afoch fuat
I hatsch mit meine Koffer
und i suach die Rezeption
owa kane is mehr duat

Am Straund do lieng nur Mienen
heast für des hob i ned zoiht
Jo mei Stimmung de is fuat
Mir geht’s wie dera Bombn
de vom Himmi owefoit
Botzn Stimmung hom de duat

[Pre-Chorus 2]
Ans waß i a i fliag nie wieder fuat

[Chorus 2]
Do foahma, do gehma
do fliag ma, do ziag ma
so schnö wias geht o
Do bleib ma am bestn
bei uns do im Gretzl
Wir brauchn eh ka
All Inklusive!

Lyrics
12 Schatzi04:32

[Verse 1]
Vü zu vü Ham und nie in da Luft
Vü zu vü Ruhe ois wia in ana Gruft
Bei oin sam ma si einig fost wia a Paarl
Imma des gleiche Gspü
Imma des gleiche Fadl

[Pre-Chorus]
Sam ma si ehrlich
So konn des net geh
I fühl mi wia in da Gruabn
Oba i bin no am Lebn
I lieb di vo Herzn
Doch hob gnua von dem oin
Mir hom zwoa heit net Sülvesta
Oba lossns jetz knoin

[Chorus]
Mia gegan Rest do draußt
Geh tan ma streitn Schatzi
Sog ma wia gerns mi host
Daun tan ma streitn Schatzi
Schimpf mi vo vurn bis hint
Geh tan ma streitn Schatzi
Liebe is fad und so
Kum tan ma streitn Schatzi

[Verse 2]
Hau meine Fetzn auße am Gaung
Reiß ma in Boart aus
Is eh scho vü zlong
Blär ma gemeinsam
Und schrein uns nua au
Reiß ma di Noabn auf
Und spuckn no drauf

[Pre-Chorus]
Sam ma si ehrlich
Ab und zua is des sche
Auf amoi zittert da Körper
Und mia gspührn wia ma leben
Tonzn auf brochanem Herzn
Owa rutschn net aus
Du gibst ma a Watschn
Do host gib da Applaus

[Chorus]
Mir gegan Rest do draußt
Geh tan ma streitn Schatzi
Sog ma wia gerns mi host
Daun tan ma streitn Schatzi
Schimpf mi vo vurn bis hint
Geh tan ma streitn Schatzi
Liebe is fad und so
Kum tan ma streitn Schatzi

[Bridge]
Streitn
Waunst di auf einmal nimma umme lahnst
Streitn
Da Puls is mindestens auf 120
Streitn
Waun unsre Sochn durch die Wohnung fliagn
Streitn
Waunst wird da ärger aus a Watschn gspiast
Madl
Geh hear ma auf ich glaub ich kann nicht mehr
Madl
Vü wos is gsogt hob woa net wirklich fair
Madl
I glaub i bin goa nimma haß auf di
Madl
Und i glaub du bist nimma haß auf mi

[Chours]
Mia gegan Rest der Wöld
Tan ma net streitn Schatzi
Sog ma wia gerns mi host
Tan ma net streitn Schatzi
I brauch di vo vurn bis hint
Tan ma net streitn Schatzi
Ohne di is fad und so
Tan ma net streitn Schatzi

Lyrics
jetzt teilen

Alben